2025 оны 4-р сарын 23-ны өдөр, дуучин бөгөөд олон нийтийн хайртай хөтлөгч Слипи Илсан Ча эмнэлэгт хоёр дахь хүүгээ өлгийдөн авлаа. Анхны охин “Уа”-г төрүүлсэн газар нь ч мөн адил Илсан Ча эмнэлэг байсан бөгөөд хоёр хүүхэд нь хоёулаа ижилхэн эмнэлэг, ижил эмчийн арчилгаанд төржээ.
⠀
3.83 кг жинтэй эрүүл хүүгийн эцэг болсон Слипи:“Төрөлтийн турш хичээсэн эхнэртээ маш их талархаж байна. Түүнчлэн манай гэр бүлийг дэмжсэн буурьтай, туршлагатай Бү Хе Ён профессор болон Ча эмнэлгийн бүх эмч, сувилагч нарт чин сэтгэлийн талархал илэрхийлье” хэмээн сэтгэгдлээ хуваалцсан байна.
Эхнэр нь ч мөн:“Тайван, дулаан уур амьсгалд байж чадсан тул хүүгээ эрүүл төрүүлэх боломжтой байсан” хэмээн сэтгэл хангалуун байгаагаа илэрхийлжээ.
Бү Хе Ён профессор:“Хоёр хүүхдийн төрөхийг хамт байж тусалсан эмчийн хувьд баяртай байна. Хоёр хүүхэд нь эрүүл энх өсөж, аз жаргалтай гэр бүл болохыг хүсэн ерөөе” гэж хэлжээ.
Хосууд хүүхдийнхээ ирээдүйн эрүүл мэндийг бодож, Ча эмнэлгийн iCode нэрт ухаалаг төрөлтийн төвд хүүгийнхээ хүйн цусыг хадгалуулжээ.
Илсан Ча эмнэлэг нь өндөр эрсдэлтэй жирэмслэлт болон дутуу нярайн тусламж үйлчилгээ, 24/7 мэргэжлийн хүүхдийн эмч нарын багтайгаар ээжүүд, нярай хүүхдүүдэд бүрэн хэмжээний халамж үзүүлдэг бөгөөд 4-хөн жилийн дотор 10,000 гаруй амжилттай төрөлт бүртгүүлсэн байна.
